|
مرند اؤیکو(تورکجه حئکایه و ناغیل) اؤیکو - حئکایه - ناغیل - story و...
| ||
|
|
"دونیا قابار چالیب, یولداش" یازار:رقیه كبیری  بو لینك دن ائندیره بیلرسینیز: قایناق:ایشیق ایضاح:بو حئكایه من اوخودوقوم اَن گؤزل حئكایه لردن بیری دی. بئله دوشوندورم ؛ گونئی حئكایه سی بیر بویوك آددیم ایره لی گؤتورمك ده دی.
یازینین آردی [ پنجشنبه 22 خرداد 1393 ] [ 05:40 ] [ riza ]
"جددینه قوربان اولدوغوم میر گلاب" یازار:سارای محمد رضایی  بو لینك دن ائندیره بیلرسینیز: ایضاح:بو حئكایه طنز و ساده جه نثریله چوخ اوركه یاتیمدی.منجه اوخوماقین الدن ورمه یین. قایناق:ایشیق
یازینین آردی [ یکشنبه 18 خرداد 1393 ] [ 12:47 ] [ riza ]
"یازارلاریلا قیساجا تانیشلیق(رقیه كبیری)"   رقیه كبیری ،۱۳۴۱ نجی گونش ایلینده خوی شهرینده دونیایا گلمیش ،تبریز یونیورسیته سینده علوم آزمایشگاهی فاكولته سینده تحصیل آلمیش، ایندیسه دانشگاه علوم پزشكی نین كارمندی دیر. ائولی و ایكی اوغلو وار. نئچه ایلدیر توركجه شعر و نثر (اویكو)قونوسوندا چالیشیر . توركجه شعر و اویكولرینده یالنیز رقیه كبیری آدیلا یازیلاری درگی لرده یایینلانیر . شعر و اویكولری دیلماج – ” آفتاب آذربایجان (تبریز)-سارای(اردبیل)-بایرام(زنجان )چیراق (تهران )انجمن ادبی صابیر(تهران داخلی درگی)آذرتورك … فردای ما(اورمیه) درگی لرینده و حیدربابا و سهیل هفته نامه لرینده(تبریز) دفعه لرجه یایینلانیب. بیرتحقیقی مقاله “جذام و بابا باغیندا” یاشایانلارین حاقینداروز جهانی جذام موناسیبتینه سراسری خراسان روزنامه سینده و “آتشی كه باید زودتر خاموش می شد” قادینلارین اؤزلرینی اودلامالارینین ندنلرینین حاقیندا “و زنان سایه نشین ” ایدز ناخوشلوغونا موبتلا اولان قادینلارین حاقیندا تحقیقی مقاله لر دیلماج درگی سینده یایینلانیب . *رقیه كبیرینین ۲۰۱۲ینجی ایلده باكی شهرینده آزادلیق رادیوسونون كئچیردیغی حكایه مسابیقه سینده ( ماوایل) آدلی حكایه ۱۸۰ اثرین ایچینده بیرینجی مقامی قازاندی. * یازارین حئكایه و رمان ساحه سینده یاییلان كیتابلاری: 1- اوره ییم آغرییر( حكایه توپلوسو- باكی شهرینین قانون انتشاراتینین طرفیندن نشر اولوب)۲۰۱۲ ایلینده نشر اولونوب 2- بو قاپی هئچ چالینمایاجاق( حكایه توپلوسو- انتشارات یاران- تبریز)3-1392 ایلینین شهریور آیین دا رقیه كبیرینین «ائویم» آدلی ایلك رومانی تورك دیلنده ایشیق اوزو گوردو.4- «ایچیمده كی قیز» آیری بیر اؤیكو توپلوسویدو كی 1392 ایلده چاپدان چیخدی.5-«آنلاین یازی لار»سون اؤیكو توپلوسودو كی رقیه كبیری دن ایشیق اوزو گؤروب. *یازارین شعر ساحه سینده كیتابلاری:1- شعر كیتابی “تبریزیم! آل تبیمی …آدلی شعر توپلوسو تبریزین انتشارات نباتی. 2- بیر اوجاقدا ایكی كول توپاسی- اصلی كرم دن یئنی آنلاتی(اورتاق یازیلمیش شعر- رقیه كبیری و كیان خیاو) بو كیتاب ۱۳۹۲ینجی ایلده( بو ایلده كتاب تبریز مسابیقه سینده اوچونجو مقامی قازاندی. كتاب تبریز مسابیقه سینده بیرینجی دفعه ایدی كی بیر توركجه یازیلمیش اؤدول قازانیردی. 3 – انگار با تو نیستم (شعر فارسجا- الكترونیكی كیتاب) 4- ( پرنده روی سیم- فارسجا شعر- الكترونیكی كیتاب) 5- دنبال چشمانت می گردم( پرویز جبرائیلین سئچیلمیش شعرلرینین فارسجا ترجمه سی) یازینین آردی [ جمعه 16 خرداد 1393 ] [ 01:29 ] [ riza ]
حئكایه نئجه یازیلمالیدیر(هر كسین استفاده ائده بیله جه یی یئددی اصول) یازار:چاك سامبوچینو چئویرن:ائلجان سالمان قیزی كؤچورن:ابوذر جعفری  بو لینك دن ائندیره بیلرسینیز: یازینین آردی [ دوشنبه 12 خرداد 1393 ] [ 11:01 ] [ riza ]
[ دوشنبه 12 خرداد 1393 ] [ 01:21 ] [ riza ]
حمید آرغیش  حمید رستمی(آرغیش)1353 جو ایلده خوی شهرینده ایشیق دونیایا گوز آچمیشدیر.ایلك و اورتا تحصیلاتینی دوغما شهرینده باشا آپارمیشدیر.1377 جی ایلده خوی شهری نین پیام نور اونیورسیته سینده داخیل اولموش و اورادان دؤولت لی مدیرلیك ساحه سینده لیسانس آلمیشدیر. آرغیش كیچیك یاشلاریندان آذربایجان ادبیاتی لیله ماراقلانمیش اونا اورك باغلامیشدیر.1373 جو ایلدن آذربایجان مطبوعاتینا آیاق قویموش یازدیقلاری حئكایه و مقاله لرینی هفته لیك قزئته لرده نشر وئرمیشدیر.«قارلی ارك» آدلی حئكایه توپلوسونو 1377 جی ایلده چاپ ائتمیشدی.ایكینجی حئكایه توپلوسو «و سنین؛حئكایه لریم...»آدلی كیتابی 1382 ده چاپدان چیخمیشدیر.1391 ایلده «80 ایل حئكایه میز» آدلی كیتاب(آذربایجانین 80 ایل حئكایه دورومونو آراشدیریر) حمید آرغیشدان ایشیق اؤزو گؤردو .بو كیتاب قیسا بیر مدت ایچینده بیتمیشدیر.اوچونجو حئكایه توپلوسو اولان «سون یاسا» كیتابی چاپا حاضیردیر. یازینین آردی [ پنجشنبه 8 خرداد 1393 ] [ 01:23 ] [ riza ]
[ چهارشنبه 7 خرداد 1393 ] [ 12:54 ] [ riza ]
نردووان یازار:ایلقار موذن زاده سارا رسیمی نی قورتاریب معللیمین ماساسینا ساری یورودو. اونون عائیله سیندن سونرا، بوتون عائیله لر اوخولون رسیم یاریشینا گلمیشدیلر. میدادلا مانتوسونون دویمه سینی اوینادیردی. باشینی آشاغی سالدی. آیاقلارینداكی قیرمیزی باشماق لار، همشه آناسی نی خاطیرلادیردی؛ نئچه ایل بوندان اؤنجه، آناسی آغاجدان ییخیلیب اؤلنده، سارا ائوده تك ایدی...! یازینین آردی [ سه شنبه 6 خرداد 1393 ] [ 12:46 ] [ riza ]
گیروگان یازار:ایلقار موذن زاده یئرین گؤیون ایشلرینی دایاندیرمیشام. بوتون كاینات منی ایزله‌ییر. باشقا دونیانین آداملاری بئله دالیم سوره گلیب‌لر. بیر هفته دیر نه اؤله‌ن وار نه یاس توتان؛ هله لیك آفریقادا هئچ كیمسه آجیندان اؤلمور. هئچ بیر اوغلان هئچ بیر قیزا دییه بیلمیر "سندن ساری اؤلوره‌م!”. اؤلومه یاندی-قیندی وئریره‌م. دونیانی وورموشام بیربیرینه. قبریستانلار بیر هفته دیر قاپالی‌دیر. چوخ سینیرلیه‌م و چوخ كدرلی، آرتیق 8 گوندور سئوگیلیمین اؤلومونه گؤره قانیم قارالیب و تانریلا ساواشدیغیمدا، عزرائیلی گیروگان توتموشام! سون قایناق:اؤزومدن چیخیرام
یازینین آردی [ سه شنبه 6 خرداد 1393 ] [ 12:34 ] [ riza ]
|
|
| [قالب وبلاگ : تمزها] [Weblog Themes By : themzha.com] | ||
