|
مرند اؤیکو(تورکجه حئکایه و ناغیل) اؤیکو - حئکایه - ناغیل - story و...
| ||
|
|
"صباحی اؤدولونون سونوج‌لاری (ایكینجی ایل - 1393) "  62 گؤنده ریلمیش حئكایه دیرلندیرمكدن سونرا 12 حئكایه سئچیلیب ایكینجی مرحله یه یول تاپدی.بو حئكایه لر و یازازیچی لاری بوندان عیبارتدیر: -سون مئساژ (سمانه حبیبی مقدم) -كؤرپو یئددی گؤزله منه باخیر (پریسا میرزایی ماهر) -سولماز (مسعود سبزی) -غریبه دیل-داماقلی گون‌لریمیز واریدی (سوسن نواده رضی) -ساده بیر شئی (مجید راستی) -اوزاق‌لاردا یاخین (سمیه علیدوست ) -بال آری‌سی حئیواندی!(یعقوب رنجبر ) -گؤزلوك بیرینه بیر بئله یاراشارمی؟(سعیده احمدی ) -هله ده كی وار بو دووار سو وئریر(پری آخته ) -ساری كفن (فاطمه میرحسن‌پور ) -آخی ایبراهیم تاپشیرمیشدی (خانیم عظیمه كریم‌زاده ) *بو 12 حئكایه داورلر آراسیندا موذاكیریه قویولوب و 4 حئكایه(بیرلیكده) ایكینجی صباحی اؤیكو اؤدولونون قازانان‌لاری تعیین ائدیلیبدیر.قازانان یازارلار و حئكایه‌لری‌نین آدلاری بو صورتده اعلان اولونوب: (الیفبا سیراسی ایله) -پری آخته، (اردبیل)، حئكایه‌نین آدی: "هله ده كی وار بو دووار سو وئریر" -سعیده احمدی، ( جولفا)، حئكایه‌نین آدی: "گؤزلوك بیرینه بیر بئله یاراشارمی؟" -یعقوب رنجبر، (مشكین شهر)، حئكایه‌نین آدی: "بال آری‌سی حئیواندی!" -سمیه علیدوست، (اورمو)، حئكایه‌نی آدی: "اوزاق‌لاردا یاخین" *داورلرین نظری اساسیندا 2 حئكایه ده تقدیره لاییق گؤرونوب: -ساری كفن (فاطمه میرحسن‌پور ) -آخی ایبراهیم تاپشیرمیشدی (خانیم عظیمه كریم‌زاده ) قایناق:صباحی اؤدولو یازینین آردی [ یکشنبه 2 آذر 1393 ] [ 01:40 ] [ riza ]
ارنست همینگوئی‌ین "قوجا و دنیز" رومانی ،آذربایجان توركجه سینده (عرب الیفباسیندا)یاییلدی.  قوجا و دنیز ارنست همینگوئی كؤچورن: لیلا ابراهیمی ائدیت: محمد صبحدل بوتا نشر 1393 ساتیشی: 5500 تومن قایناق: كیتاب-kitab
یازینین آردی [ سه شنبه 20 آبان 1393 ] [ 12:11 ] [ riza ]
«بیاض قالا» رومانی تبریزده «نباتی» نشریاتی طرفیندن یاییلدی اورهان پاموكون «بیاض قالا» رومانی آذربایجان توركجه سینده تبریزده «نباتی» نشریاتی طرفیندن یاییلدی. كتابی خانم رباب آذربایجان توركجه سینه چئویریب. بو رومانین ایكی اساس قهرمانلاری: 1.عثمانلی لارا اسیر دوشموش بیر بیزانسلی و 2.عثمانلی درباری نین عالمی دیلر. «بیاض قالا» رومانیندا بیزیم اؤیرشدیگیمیز سنّتی شرق-غرب مسأله‌سی بعضی مقاملاردا اویونا چئوریلیر. و یازار اونو ادعا ائتمگه چالیشیر كی، بؤیوك انسان اوچون بو توققوشما‌لار یوخدور. شرق-غرب دَیری یوخدور، ساده‌جه دَیر وار و بؤیوك انسان یالنیز اؤز دنیاسینی دوشونوب آددیم آتیر. شرق و غرب مدنیتی بیر-بیری‌نین ایچینده اریمه‌دیگیندن بو بئله اولور. اثرده كؤله و آغا مناسبتی وار. بو ایكی آیری-آیری مدنیتین مناسبتی كیمی تظاهر اولونور. آما مناسبت فرقلی و یاد مناسبتدیر. كؤله آغا‌سیز ضعیفدیر. آغا دا كؤله‌سیز. كتاب رقعی قطعده 156 صفحه ده و 7000 تومن قیمتله حاضرلانیب. یاییم مركزلری: 1. تبریز. شهریار تجارت مركزی. نباتی نشریاتی (تهراندا اولان 10-20 گونلرینده، كتاب سرگیسینده ده اولاجاق) 2. تبریز. گولوستان باغی فرهنگی علمی دائمی كتاب سرگیسی. غرفه 22 قایناق:دین خادیمی
یازینین آردی [ شنبه 6 اردیبهشت 1393 ] [ 05:54 ] [ riza ]
آزادلیق رادیوسونون شعر و حئكایه یاریشی شعر و حئكایه یاز آیفون (iPhone)قازان!!  آرتیق معلومات اوچون آزادلیق رادیوسونون بو لینكنه مراجعت ائدین: یازینین آردی [ دوشنبه 19 اسفند 1392 ] [ 11:47 ] [ riza ]
میر هدایت سید مرندی نین "آپاردی سئللر سارانی" و "ساری گلین" آدلی حئكایه توپلوسو ایشیق اوزو گوردو.   ۱-آپاردی سئللر سارانی ۱۹دنه اوره‌یه یاتان توركو ناغیل، ۱۵۲صفحه ۶۵۰۰ تومان ۲- ساری گلین،۱۹دنه اوره‌یه یاتان توركو ناغیل،۱۶۸ صفحه ۶۵۰۰ تومان بوناغیللار ساده دانیشما دیلی ایله یازیلیب و اورتامی(محیطی) یاشادیغیمیز اولایلاردان(اتفاقلاردان) الهام آلینیب و چوخو مرندین و كندلرینین كوچه باجاسیندا اوز وئریبدیر. بوناغیللاری اوخودوقجا اؤزوزو ناغیللارین قهرمانلاری یئرینده حس ائدیب و قهرمانلارین موشكول‌لریله دیلسای‌لیق ائده‌جكسیز. بوناغیللارین بعضی‌سی۱۳۸۸-۹۰ایللرینده "آفتاب آذربایجان" آیلیق درگیسینده یایینلانیب و تورك ناغیل بیلنلر واوخوجولار طرفیندن قارشیلانیب ویاخجی دَیَر وئریلیبدیر. بؤیوك آلله‌ین كومكیله ،اولسون كی بوناغیللار آنا دیلیمیزین ادبیاتیندا بیركیچیك آددیم ساییلسین. آپاردی سئللر سارانی و ساری گلین ، كتابلارینین ساتیش یئرلری: تبریز=خیابان امین- پاساژ كریمی انتشارات یاران-۵۵۶۷۹۲۵-۰۴۱۱ مرند= خیابان ایستگاه- جنب دبیرستان شمس تابلوفرش مرند۲۲۷۰۱۵۸-۰۴۹۱ مرند= اول خیابان ایستگاه كتابفروشی ابن سینا ۲۲۵۳۱۴۳-۰۴۹۱ مرند= خیابان پروین اعتصامی كتابفروشی گلزار ادب۲۲۵۷۴۴۷-۰۴۹۱ باشقا شهرلر و كتاب ساتیش یئرلری اییسته‌سه‌لر، مناسب تخفیف ایله گؤنده‌ریله بیلیر .(سیدمرندی۲۲۷۰۱۵۸-۰۴۹۱ و ۰۹۱۴۳۹۱۳۰۴۱) قایناق:تاریخ مرند و آثار سید مرندی یازینین آردی [ چهارشنبه 14 اسفند 1392 ] [ 10:49 ] [ riza ]
خانیم فرانك فرید-ین بیرینجی حكایه توپلوسو "خانیم الی" آدییلا ایشیق اؤزو گؤردو.  نام كتاب :خانیم الی نویسنده : فرانك فرید ناشر: فرید فرانك قیمت: 5000 تومان مشخصات: 100 صفحه , رقعی (شومیز) , چاپ 1 , 1000 نسخه 7 ,0047,04,600,978 تاریخ نشر: 92/09/19 مكان نشر: تهران , تهران زبان : تركی رده دیویی : 894.3613 شابك : 9786000400477 كلمات كلیدی : داستانهای كوتاه تركی - ایران - قرن 14
یازینین آردی [ دوشنبه 12 اسفند 1392 ] [ 11:09 ] [ riza ]
“اشرف نورانلی”نین حیكایه‌لر توپلوسو یاییلدی  قابناق:ایشیق یازینین آردی [ دوشنبه 7 بهمن 1392 ] [ 11:27 ] [ riza ]
|
|
| [قالب وبلاگ : تمزها] [Weblog Themes By : themzha.com] | ||