“اشرف نورانلی”نین حیكایهلر توپلوسو یاییلدی
آذربایجان حیكایه یازیچیلیغینین اؤنجوللریندن اولان و چوخ تاسفله لاییقینجه تانینمایان احمد صادقی اشرافی(الف. نورانلی)نین حیكایهلر توپلوسو ایلك دفعه اولاراق ایشیق اوزو گؤردو. دوققوز حیكایهنی احتوا ائدهن “قیزیل آتیم و باشقا اؤیكولر” عنوانیایله یاییلان بو حیكایه توپلوسو عمار احمدی عزیز، رجب ابراهیمی، رضا كاظمی و صالح عطایینین بیرگه امكداشلیغیلا، اردبیل شهرینین “ساوالان ایگیدلری” نشریاتی طرفیندن ۱۰۰۰ نوسخهده یاییلیبدیر. كیتابی اردبیل و ائلهجهده آذربایجانین باشقا شهرلریندهكی اعتبارلی كیتاب ماغازالاریندان و تهراندا ایسه فرزانه و یوسوفاوغلو كیتاب ماغازالاریندان الده ائتمك مومكوندور.