مرند اؤیکو(تورکجه حئکایه و ناغیل)
اؤیکو - حئکایه - ناغیل - story و... 
یازانلار
نردووان

یازار:ایلقار موذن زاده

گونش الینی یاندیرمیردی. داغلارین اوستونده قیرمیزی گونشی گؤیدن ساللاییب، تارلالارین بؤیرونده بیر نئچه آغاج اكدی و بیر توت آغاجی نین بوداقلاری آراسینا، قیرمیزی بیر باشماق تایی تولازلادی. سونرا یاواش-یاواش بیر ائوده تیكیب، حه‌یه‌طین اورتاسیندا بیر حؤوض یئرلشدیرمك فیكرینه قالدی. چوخلو چالیشان‌دان سونرا، ائوین گون چیخان طرفینده بیر دامچا تیكیب، گون باتان طرفینده‌ده بیر تؤیله تیكدی. بونلاری قورتاردیقدا، داغلارین قوجاغیندا بیر نردووان یئرلشدیردی. آغاجلارین بؤیرونده، ائو، دامچا و هابئله تؤیله نین اوزه‌رینه‌ده بیر نردووان دایادی.
سارا رسیمی نی قورتاریب معللیمین ماساسینا ساری یورودو. اونون عائیله سیندن سونرا، بوتون عائیله لر اوخولون رسیم یاریشینا گلمیشدیلر. میدادلا مانتوسونون دویمه سینی اوینادیردی. باشینی آشاغی سالدی. آیاقلارینداكی قیرمیزی باشماق لار، همشه آناسی نی خاطیرلادیردی؛
نئچه ایل بوندان اؤنجه، آناسی آغاجدان ییخیلیب اؤلنده، سارا ائوده تك ایدی...!

سون

[ سه شنبه 6 خرداد 1393 ] [ 12:46 ] [ riza ]
.: Weblog Themes By themzha :.

وئبلاگا گؤره

من یانماسام،سن یانماسان،بیز یانماساق
نئجه چیخار قارانلیقدان آیدینلیقا...
ناظم حیکمت
بو وئبلاگ اؤیکو و حئکایه اوچون بیر یاپراقدی...ناغیلار دونیاسین سئون لر بیزایله بو یاپراق دا یولداش اولا بیلرلر...
سید رضا حسینی
شهر: مرند
ایمیل: rezaaydin491@yahoo.com
Rezagord@gmail.com
فیس بوک: ‏‎www.facebook.com/marandoyku
امکانات وب