|
مرند اؤیکو(تورکجه حئکایه و ناغیل) اؤیکو - حئکایه - ناغیل - story و...
| ||
|
|
"كافكا حاققیندا بیلمدیك‌لرینیز" حاضیرلایان: حسین واحدی  بیتكی یئیه‌ن اولدوق‌دان سونرا كافكا بئرلین آكواریومونا گئتمیش، سو آمبارلاری‌نین قارشی‌سیندا دایانیب بالیق‌لارا باخا‌راق یوكسك سسله دئمیشدی: “سونوندا من سیزه باریش ایچینده باخا بیله‌رم. آرتیق سیزی یئمیرم”. كافكانین عائله‌سینده 6 اوشاق اولماسینا باخمایا‌راق، اونلاردان هئچ بیری اوزون عؤمور سوره بیلمه‌میشدی. فرانسین 2 قارداشی كؤرپه ایكن وفات ائتدی. 3 گنج باجی‌سی، هولوكوست (آلمان‌لارین یهودی‌لره ائتدیك‌لری فاجعه‌نین عمومی آدی) زامانی لودز و آوشویتز كونسلاگئرینده قتله یئتیریلدی. بورادا كافكانین همین ایللرده ایشچی‌لرین حادثه بیمه‌سی موسسه‌سینده ایشله‌دیگی مدت اوچون، معمول اولان گونده‌لیك جدو‌لی وئریلمیشدیر. كافكا سحر 9:30-دان گونورتا 2:30-آ كیمی ایش ماساسی‌نین آرخاسیندا ایلشردی. او، ساعت 3:30-آ كیمی قلیان آلتی‌سینی ائدر، 7:30-آ كیمی یوخوسونو آلار، مشق ائدر و سونرا دا عائله‌سیله بیرلیكده ناهار ائدردی. یازماغا آخشام ساعات 11 ده باش‌لار و اؤزونون دئدیگی كیمی گوجون‌دن، هوه‌سین‌دن آسیلی اولا‌راق ساعات 1،2 یاخود 3-ا كیمی، حتی بیر دفعه سحر 6-یا كیمی یازماغا داوام ائتمیشدی. سحر یئنی‌دن اداره‌ده ایشه باشلامازدان اول هر جور تصورله یوخویا گئتمك اوچون سعی گؤسترردی. كومونیست رئژیمی دؤورونده كافكایا اثرلرینی اؤز دوغما پراقا[مجار] دیلینده یازماق قاداغان ائدیلمیشدی. بو قاداغا 1989-جو ایلده گؤتورولدو. یازیچی‌نین آدینا بیر گزه‌گن[سیاره] وار. 1983-جو ایلده كشف اولونوب و 3412 كافكا (كافكا آدلی گزه‌گن) هر 523 گون‌دن بیر یئر كوره‌سین‌دن كئچیر. كافكانین 1912-جی ایل سپتامبرین 12-ده یازمیش اولدوغو قیسا حكایه‌سی “حؤكم” اونون یارادیجیلیغیندا بیر پارتلاییش اولدو. آراشدیرماچی‌لار اوكسفوردون بودلئین كیتاب‌خاناسیندا كافكانین مقاله‌لرینی گؤزدن كئچیرركن تصادفن اونون باش‌گیجللندیریجی، كیفایت قدر گئنیش ***لارینا راست گلیرلر. بلی، كافكا بئله شولوق ژورنال‌لاردان لذت آلیردی. او، كلكسیونونو آتا آناسینن ائوینده كیلیدلی بیر كابینئتده ساخلاییردی و نه زامان تعطیله چیخسا، آچاری اؤزو ایله گؤتوروردو. یازینین آردی [ شنبه 14 تیر 1393 ] [ 08:08 ] [ riza ]
"بیر شهر گؤز" یازار:ایلقار موذن زاده  -گئتمیر‌م قارداش، دئییر‌م. بیر آزدا دایانیب باخیر و باشینی بوللایاراق سوروب گئدیر. آرخاسی سوره ماشینا باخیرام و سوروجونون ایشینه شوبهه‌له‌نیر‌م. قاباغدان بیر قادین گلیر، اوشاغی نین الیندن یاپیشمیش، منی گؤره‌ر‌ك دیسكینیب دوداغینی دیشله‌ییب ساووشور. دؤنوب قادینا باخیرام و آددیملادیغیم یئرده قادی نین گؤستردیی تپكی منی فیكیره دالدیریر. دؤرد نفر گنج قیز بیر-بیریله دانیشیب گوله-گوله، خیاوانین اوتاییندا یئریدیك لری یئرده، منی گؤره‌ركن دایانیب شاشقینجاسینا بیر-بیرینه باخیب، باشلارینی توولاییرلار، سانكی اؤلو ییئه‌ن گؤروبلر. یاواش-یاواش اؤزومه شكّ ائدیب اوستومه باشیما باخیرام. زیپیم آچیقدیر، یوخسا باشیمین توكو بیز دایانیب؟ كؤینه‌ییمی ترسینه گئیمیشم، یوخسا شالواریمین آیاغی جورابیمدا قالیب؟ هر یولدان كئچن، هر آراباچی، توكانچی و بوتون شه‌هر منه باخیر. بیر شه‌هر گؤز داشیییرام اؤزومله بیرگه. خییاواندا یئریدییم یئرده، بدنیمه تیكیلمیش گؤزلر، قیییق كیمی سانجیلیب گؤوده‌مه. خیالا دالیرام. دونن یاپدیغیم جینایتی دویوب مو شه‌هر؟ شه‌هرین اورتا دؤرد یولونا یئتیشه‌ر‌ك، همه‌شه آچیق اولان قفه‌نی باغلی گؤرور‌م و بیر یازی قفهنین شوشه‌سینه یاپیشدیریلمیش. یازیدان هوركه‌ر‌ك، الیمده‌كی آلمانین چؤته‌لینی یاواشجاسینا آرخین ایچینه دیغیرلادیب آغزیمی سیلیر‌م. قفه ایفطاردان سونرا آچیلاجاق... یازینین آردی [ دوشنبه 9 تیر 1393 ] [ 12:41 ] [ riza ]
یازارلاریلا قیساجا تانیشلیق(صمد بهرنگی) "صمد"ین ادبی ارثیه سینده پارلاق اولان ساحه ,اونون اوشاقلارا حصر ائتدییی و قلمه آلدیغی حئكایه لردیر. «اولدوز ایله قارقالار»,«اولدوز ایله دانیشان قولچاق»,«بیر شفته لی,مین شفته لی»,«دلی دومرول»و...صمدین اؤنملی اثرلریندن دیر لر.صمد اؤز حئكایه لرینی فارسجا یازسادا,آنچاق دفعه لرله بو دیلده یازماق مجبورییتینده قالدیغینی وورغولامیشدیر.صمد آذربایجان فولكوروندان فایدالانان «تلخون» آدلی حئكایه سینی ایلك دفعه 1340- جی ایلده فارسجا یازسادا ,آنجاق 1345- جی ایلده هامان حئكایه نی بیر پارا دییشیك لر و آرتیرمالارلا یئنی دن قلمه آلمیشدیر؛آنجاق بو دفعه آذربایجان توركوجه سینده.دئمك صمدین ایلك توركجه یازدیغی حئكایه همین اثردیر. صمدین حئكایه لری دفعه لر له چاپ و یایینلانیب دیر.اونون اثرلری آذربایجان توركجه سینده چئوریلیب دیر.ها بئله توركیه ده اونون كیتابلاری دفعه لرله نشره وئریلمیشدیر. صمدین حیاتی جوخ قیسا اولموشدور.او 1347- جی ایلده آراز چاییندا شوبهه لی شكیلده غرق اولموشدور. قایناق:80 ایل حئكایه میز(حمید آرغیش)  یازینین آردی [ سه شنبه 3 تیر 1393 ] [ 01:41 ] [ riza ]
|
|
| [قالب وبلاگ : تمزها] [Weblog Themes By : themzha.com] | ||