"ثانیه‌لرین اؤلومو"

یازار: حسین واحدی

- آغا نه آختاریرسیز؟

- اؤزومو.

- نه یی؟

- دئدیم دا اؤزومو؟ ائشیتمه دین؟!

- اؤزونو ایتیریب سن؟ بئله ده ایش اولار؟

- ندن اولماسین... من چوخداندی اؤزمو ایتیرمیشم...چوخ چوخدان...

- آدام اؤزو ده ایتیرر؟

- ایته‌ر گؤزوده چیخار... دوز 28 ایلدی ایتمیشم...

- نه‌جور اولوب من باش تاپمادیم؟ دئمك گون چیخار-چیخماز كئفینیز یامان سازدی؟

- نجور اولاجاق 28 ایل بوندان اؤنجه ایلك گون ایش تاپان دان سونرا ایتمیشم، ساعاتلار ایچینده، ثانیه لرده، دقیقه لرده، آسانسورلاردا، پیلله لرده، خیاوان لاردا... یول للاردا، گئجه لرده- گوندوزلرده، یاغیش لاردا قارلاردا، گونش لرده، بولودلاردا... گؤر كئفیم سازدی یا كامان دی؟!!

- بو نه‌جور ایتمك دیر؟

- 28 ایلدیر صوبح 6دا یولا دوشوب ایش باشینا گئتمیشم، آخشام آلتی دا قاییتمیشام...

بو ایكی ساعتی گؤرموشم ایندی بیلمیرم ساعاتیم یاتیب نه‌جور اولاجاق، منسه ایتیردیگیم زامان ایچینده, اؤزومو آختاریرام. 

سون

قایناق:خاطیرلر دوراغی

"صباحی" ایللیك حئكایه اؤدولو(ایكینجی ایل-1393)

SABAHI SHORT STORY AWARD :2014

اؤدول: بیر میلیون تومن (بیرینجی سیرادا یئرله‌شن حئكایه یا حئكایه‌لر اوچون)

- اثرلرین گؤندرمه مؤهلتی:  31 شهریور 1393

- یاریشمانین سونوجو اعلان ائدیلن گون:  1 آذر 1393

- اثرلر آذربایجان توركجه‌سینده و عرب الیفباسیندا یازیلمالی دیر.

- هر یازیچی بیر اثر گؤندره بیلر.

- اثرلرین ایندی‌یه‌دك باشقا یئرده (كیتاب، درگی، سایت) چاپ اولونماماسی گركلی دیر.

- حیكایه لر word دا تایپ اولونوب بو آدرسه گؤندر مه لی دیر:  sabahi.odulu@gmail.com

- اثرله بیرلیكده اؤزونوزدن بیر قیسا بیوگرافی گؤندرین.(شكیلینیز، تیلفون نومره نیز اونوتولماسین)

"صباحی اؤدولو یاریشماسی نین اجرایی هیئتی"