|
مرند اؤیکو(تورکجه حئکایه و ناغیل) اؤیکو - حئکایه - ناغیل - story و...
| ||
|
|
"80 ایل حئكایه میز" یازار:حمید آرغیش  ایضاح:بو كیتاب گونئی آذربایجانین 80 ایل (1330-1380) حئكایه دورومونو آراشدیریر و بیزی بو 80 ایلین یازارلار و اثرلرایله تانیش ائدیر.بو گونه قدر بئله بیر كیتاب آذربایجانین حئكایه ساحه سینده یازیلماییب.بو كیتابین اوخوماقینی الدن وئرمه یین. بو لینك دن ائندیره بیلرسینیز: یازینین آردی [ یکشنبه 28 اردیبهشت 1393 ] [ 08:41 ] [ riza ]
آدلیم یازیچی‌دان ایپ‌اوجلاری حاضیرلایان:حسین واحدی  نوبئل اؤدوللو آمئریكا یازیچی‌سی ویلیام فاولكنئر-دن گنج یازارلارا ایپ‌اوجلار [مصلحت‌لر] 1. من اولماسایدیم سا ... “من اولماسایدیم سا، منیم یازدیق‌لاریمی بیر باشقاسی یازا‌جاقدی. عینی شئیی هئمینگوای، دوستویئوسكی، بیزیم هامیمیز حاقیندا سؤیلمك اولار. بونا اؤرنك كیمی، شئكسپییئر-ین پییئس‌لری‌نین [نمایشنامه‌لرینین] یازارینا 3 آدای وار. اساس اولان - “هاملئت” و “یای گئجه‌سی‌نین یوخوسو”دور، اونلاری كیمین یازماسی یوخ”. 2. ائتكی‌لنمك پیس زاد دئییل… “داها اؤنجه دئدیگیم كیمی، یازیچی كسینلیك‌له اخلاق-فیلان گؤزله‌ین بیری‌سی دئییل. اونا هاردان، نه لازیم‌دیرسا، گؤتوره‌جك، اؤزو ده بونو آچیق شكیلده ائده‌جك، بوینونا دا آلا‌جاق، چون اومید ائدیر، اورتایا اورتا بیر چیخیم [محصول] قویوب سونراكی نسیل ده اونون یازدیقلاریندان نسه گؤتوره‌جك، اؤزو ده بو، یازیچی‌یا خوش گله‌جك، او بئله اینانیر ، اونون اؤز ده‌یرلی كئچمیشدن آلدیقلاریندان دا همین مؤلف‌لر یالنیز سئوینه بیلر”. 3. یئته‌نك، دوزنلیلیك، زحمت… ایشین 100-ده 99-و یئته‌نك‌دیر [استعداد-دیر]… ایشین 100-ده 99-و دوزنلیلیك‌دیر [انتظام دیر]… ایشین 100-ده 99-و زحمت‌دیر. یازیچی هئچ زامان یازدیغین‌دان راضی قالماما‌لی‌دیر. هانسی‌سا ایشی همیشه داها یاخشی گؤرمك اولار. دایم اؤز ایمكانلاریندان داها بؤیوك هدف‌لره كؤكلن. یالنیز اؤز معاصرلرین‌دن و سلف‌لرین‌دن اوستون اولماغا جان آتما. اؤزونو اؤتوب كئچمه‌یه چالیش. 4. مضمون لا اوسلوب منجه، اوسلوب داها چوخ درجه‌ده ائله مضمون‌دان گله‌رك فورمالاشیر. یازیچی بئینینی اوسلوب [سبك] یاراتماقلا چوخ مشغول ائتمه‌مه‌لی‌دیر. اگر ائده‌جكسه، یازدیق‌لاری اوستو بزك، آلتی تزك اولاجاق. گؤز اوخشایا‌جاق، قولاغا خوش گله‌جك، اما مضمونجا دایاز اولاجاق. 5. یازیچی اوخوجو اولمالیدیر… اوخوماق، اوخوماق، یئنه ده اوخوماق. الینه نه كئچدی اوخو – حتی زیری-زیبی‌لی، كلاسیك‌ین پیسینی-یاخشی‌سینی، اوخو، گؤر، بو ایشین چمی نه‌دیر. لاپ اودونچونون شاگیردی كیمی، باخ، اؤز اوستان‌دان اؤیرن. اوخو! اوخویوب جانینا هوپ‌دور! سونرا یاز. یاخشی آلینا‌جاقسا، بیله‌جكسن، خاراب اولا‌جاقسا، پنجره‌دن ویزیلدات گئتسین. 6. قارشیسی آلینماز… بعضن بئله ائشیدیرم، كیم‌لرسه گیلئی‌له‌نیر، “عائله قورماسایدیم، اوشاق‌لاریم اولماسایدی، یازیچی اولاردیم” دئییر، یا دا كیم‌لرسه بئله شیكایت‌لنیر، “فیلان ایشدن جانیمی قورتارا بیلسه‌یدیم، یازیچی اولاردیم”. من بئله شئی‌لره اینانمیرام. منجه، سن یازما‌لیسانسا، یازا‌جاقسان و بونون قارشی‌سینی هئچ نه آلا بیلمز. قایناق:خاطیر هلر دوراغی یازینین آردی [ چهارشنبه 24 اردیبهشت 1393 ] [ 01:43 ] [ riza ]
[ پنجشنبه 18 اردیبهشت 1393 ] [ 06:32 ] [ riza ]
[ سه شنبه 16 اردیبهشت 1393 ] [ 11:44 ] [ riza ]
[ دوشنبه 15 اردیبهشت 1393 ] [ 12:48 ] [ riza ]
[ شنبه 13 اردیبهشت 1393 ] [ 01:57 ] [ riza ]
[ یکشنبه 7 اردیبهشت 1393 ] [ 11:01 ] [ riza ]
«بیاض قالا» رومانی تبریزده «نباتی» نشریاتی طرفیندن یاییلدی اورهان پاموكون «بیاض قالا» رومانی آذربایجان توركجه سینده تبریزده «نباتی» نشریاتی طرفیندن یاییلدی. كتابی خانم رباب آذربایجان توركجه سینه چئویریب. بو رومانین ایكی اساس قهرمانلاری: 1.عثمانلی لارا اسیر دوشموش بیر بیزانسلی و 2.عثمانلی درباری نین عالمی دیلر. «بیاض قالا» رومانیندا بیزیم اؤیرشدیگیمیز سنّتی شرق-غرب مسأله‌سی بعضی مقاملاردا اویونا چئوریلیر. و یازار اونو ادعا ائتمگه چالیشیر كی، بؤیوك انسان اوچون بو توققوشما‌لار یوخدور. شرق-غرب دَیری یوخدور، ساده‌جه دَیر وار و بؤیوك انسان یالنیز اؤز دنیاسینی دوشونوب آددیم آتیر. شرق و غرب مدنیتی بیر-بیری‌نین ایچینده اریمه‌دیگیندن بو بئله اولور. اثرده كؤله و آغا مناسبتی وار. بو ایكی آیری-آیری مدنیتین مناسبتی كیمی تظاهر اولونور. آما مناسبت فرقلی و یاد مناسبتدیر. كؤله آغا‌سیز ضعیفدیر. آغا دا كؤله‌سیز. كتاب رقعی قطعده 156 صفحه ده و 7000 تومن قیمتله حاضرلانیب. یاییم مركزلری: 1. تبریز. شهریار تجارت مركزی. نباتی نشریاتی (تهراندا اولان 10-20 گونلرینده، كتاب سرگیسینده ده اولاجاق) 2. تبریز. گولوستان باغی فرهنگی علمی دائمی كتاب سرگیسی. غرفه 22 قایناق:دین خادیمی
یازینین آردی [ شنبه 6 اردیبهشت 1393 ] [ 05:54 ] [ riza ]
[ جمعه 5 اردیبهشت 1393 ] [ 01:11 ] [ riza ]
"اؤزگورلوگون دادی" یازار:حسین واحدی  بو لینك دن ائندیره بیلرسینیز: قایناق:خاطیره لر دوراغی
یازینین آردی [ سه شنبه 2 اردیبهشت 1393 ] [ 08:51 ] [ riza ]
|
|
| [قالب وبلاگ : تمزها] [Weblog Themes By : themzha.com] | ||
