مرند اؤیکو(تورکجه حئکایه و ناغیل) اؤیکو - حئکایه - ناغیل - story و...
| ||
|
[ یکشنبه 31 فروردین 1393 ] [ 01:12 ] [ riza ]
گابریل گارسیا ماكز لاتین اَمیركانین آدلیم یازاری و ادبیات نوبلینین اؤدولون قازانان خسته لیقا خاتیر 87 یاشیندا دونیاسیندییشدی.ماركز1927 ایلین مارچ آیینین 6 سیندا كلمبیانین آكاراتا كندینده دونیایا گوز آچیمیشدی.بو كلمبیای یازارین أن شاه اثری«یوز ایل یانلیزلیق» دی .یازارین باشقا اثرلری رومان شكلینده :«وبا ایلرینین سئوگیسی»؛«منیم كدرلی فاحیشه لریمین خاطیره لری»و... و حئكایه شكلینده:«یاپراق فیرتیناسی»,«كیمسه سرهنگه مكتوب یازمیر»و... دن عبارتدی.دونیا بیر دیرلی یازارین الدن وردی... یازینین آردی [ جمعه 29 فروردین 1393 ] [ 12:30 ] [ riza ]
"ائوینیزه زنگ آچدیم" یازار:صیاد فیضی قایناق:3 آلما ائوینیزه زنگ آچدیم، ائویمیزه قارشی ائوینیزه. “آلتی آی بیرگون” قولاغیمدا جینگیلده یه-جینگیلده یه، اورهییم قورخا-قورخا او كیچیك، او اوفاجیق سئوگی یوواسینا زنگ آچدیم؛ الو، الو… تیلفون آرخاسیندا سن ایسه سوسدون، من ایسه میسدیم. گونلر اؤتدو او گونلردن، ایللر توزونا بوروندو سئوگیمیز. سئوگیمیز دیللره دوشدو، آنامین قولاغینا یئتیشدی؛ “قونشو قیزی آلانین آغزین آییر دیلین چك” سانكی دونن ایدی كوچه باشیندان بیرینجی دفه ائوینیزه زنگ آچدیغیم. آتان دستهیی قالدیردی؛ “باغیشلایین ائلهبیل یانلیش اولوب” دئدیم. اورهییم تیترهمهیه باشلادی. ائوینیزین چئورهسینده گودوكچولویه باشلادیم، آتان ائشییه چیخمامیش كوچه باشینداكی تیلفونا یومولدوم. - الو - بویورون، سسیز آلچاقدی اوجا دانیشین. - منی تانیرسان؟ - سیز؟ - من سنی… - الو، الو یئنیدن نومرهنیزی توتماغا باشلادیم؛ - الو، الو - - الو، واللاه یالان دئمیرم، من سنی… دانیشماغیما ماجال وئرمهدین. مندن كیچیك قارداشیوا اؤنجه من سالام وئرردیم، آنانی سایقیلا قارشیلاردیم. آتاوین آراباسین دونیادا اَن گؤزل آرابا ساناردیم. ائوینیزین دووارلاری سانكی منه سایخانج وئریرردی. آنام سیزین ائودن دانیشاندا وار گوجومله قولاق آساردیم. “آلتی آی بیر گون”ه گؤره دوغروسو ائویمیزدن قورخاردیم زنگ آچماغا. كوچه باشینداكی ساری بویاق تیلفوندا الیمدن یورولموشدو. قونشولاردا داها اَیری اَیری باخیردیلار، آما منیم هئچ وئجیمهده دئییلدی. اوخولوم ناهاردان سونرا اولسایدیدا هرگون ساهات یئددییه اون بئش دیقه قالان قاپینیزدا، قاپیمیزا قارشی قاپینیزداكی سئیید چؤركخاناسیندا چؤرك نووبهسینه دوراردیم. هردن آلدیغیم چؤركلری آنان آپاراردی. گئجه یوخومادا گلردین، گؤز یاشلاریمادا قاتیلاردین. من آناما، سنایسه منه شیلتاق ائدردین. سئوگیلر گونو موتلو اولسون گؤزلیم. ائوینیزه زنگ آچدیم، ائویمیزه قارشی ائوینیزه؛ - الو، الو ….. - یوخ قارداش چوخداندیر بوردان كؤچوبلر. - هارا گئدیبلر بیلمیرسن؟ - یوخ. اوووخ. قاپینیزدان كئچیرم، قاپیمیزا قارشی قاپینیزدان. یئنی تیكینتیلر تیكیلمیش، ایزلر باسدیریلمیش. قونشو آروادلاری قاپیدا. ائویمیزدن آیری كیشی چیخیر، نئجه ددهمین غئیرتینه دَیمیر. ائویمیزه اؤزگه آروادی گیریر، اولمویا ددهمین…. هلر بیزی دینلردی، اوخولا یوخولو گئدردین. ایندیسه سن یوخسان و من یوخولو یاشاییرام.گئجهلر بیزی دینلردی، اوخولا یوخولو گئدردین. ایندیسه سن یوخسان و من یوخولو یاشاییرام. من سنی…. سون یازینین آردی [ دوشنبه 25 فروردین 1393 ] [ 08:09 ] [ riza ]
"ساری" یازار:ایلقار مؤذن زاده بو لینك دن ائندیره بیلرسینیز: Download *بوحیكایه صباحی اؤدولونده ایكینجی و تبریز ادبی اؤدولونون حكایه بؤلومونده بیرینجی یئری قازانمیشدی. قایناق:ایشیق یازینین آردی [ یکشنبه 10 فروردین 1393 ] [ 01:42 ] [ riza ]
"پیچاق" یازار:سید رضا حسینی قیزین اللری اسیردی.بیر سیگارت توستولویوم دئیه چاقماقی آلیشدیردی.پنجره نین اؤنونده دایاناراق دریندن سیگارته پوك ووردو.جیبیندن موبایلینی چیخارتدی و بیر نومارانی توتوبموبایلی قولاقینا ساری آپاردی.گوزلرینی یومودو و نئچه دقیقه یه دك زنگین سسیندن باشقاسی اشیدیلمیردی. قیزین بیر آن صبیری داشیب موبایلی دووارا چیرپاراق تیكه تیكه ائدی.چانتا سین گوتوروب یولا دوشدو.ائوین اؤنونده تاكسی یا میندی .تاكسی دا گئده رگ یاش پرده سیله توتولان گوزلری, گئجه نین ایشیقلارینا تیكیلمیشدی.تاكسی دایانیب قیز دوشوب توویلا یولا دوشدو.الینی چانتاسینا آپاراراق بیر داها دا پیچاقی الینین ایچینده سیخدی.بیر قاپینین اؤنونده دایاندی .آچیق قاپیدان سسیزجه ایچه ری گیردی.بیر اوزون دالانی گئچه رق حیطه چاتدی.كیمسه یوخویدو.چانتاسیندان پیچاقی چیخارتدی و قارانلیق اوه گیردی.اتاقین بیركونجونده بیر اوغلان اوزانمیشدی.قیز اوغلانین باشینین اوستونده دایاندی.حامددئیه اوغلانی سسله دی.جواب گلمدی!یئنه سسلدی آمما یئنه جواب گلمه دی.دیز چؤكدو و اوغلانی ترپددی.اوغلانین باشی بیر طرفه آخدی.قیز قورخاراق گئری دوشدو.چیراغی یاندیردی.اوغلانینآغزیندان قان آخار كن گوزلری تاوانا تیكیلیب اؤلموشدو.پیچاق قیزین الیندن یره دوشدو... سون 93.1.7 یازینین آردی [ پنجشنبه 7 فروردین 1393 ] [ 01:20 ] [ riza ]
[ یکشنبه 3 فروردین 1393 ] [ 11:03 ] [ riza ]
ای چئویرن اوركلری، گؤزلری دولاندیران ای گئجه،گوندوزلری ای یئنی دن دئیشدیرن حاللاری دئیشدیر أن یاخشی حالا بیزلری یئنی ایلینیز موبارك یازینین آردی [ جمعه 1 فروردین 1393 ] [ 07:16 ] [ riza ]
|
|
[قالب وبلاگ : تمزها] [Weblog Themes By : themzha.com] |